ده قی نامه ی په نابه ران له زیندانه وه

ژماره‌یه‌ك په‌نابه‌ری‌ كورد،‌ نیشته‌جێی‌ وڵاتی‌ به‌ریتانیا له دوای ده ستگیرکردنیان له زیندانه وه‌ نامه‌یه‌ك ‌ ئاراسته‌ی‌ سه‌رۆك كۆماری‌ عێراق و سه‌رۆكی‌ هه‌رێمی‌ كوردستان و سه‌رۆكی‌ حكومه‌تی‌ هه‌رێمیان ده که ن.

له نامه که دا په نابه ران داوا ده‌كه‌ن رونكردنه‌وه‌ بدرێت له‌باره‌ی‌ هه‌وڵه‌كانی‌ حكومه‌تی‌ به‌ریتانیا بۆ ناردنه‌وه‌ی‌ به‌زۆره‌ملێ بۆ هه‌رێمی‌ كوردستان.

ده قی نامه ی په نابه ران له زیندانه وه :

به‌ ناوی‌ خوای‌ به‌خشنده‌ و میهره‌بان

نامه‌یه‌كی‌ كراوه‌ بۆ به‌ڕێزان/ سه‌رۆك كۆماری‌ عێراق و سه‌رۆكی‌ هه‌رێمی‌ كوردستان و سه‌رۆكی‌ حكومه‌تی‌ هه‌رێمی‌ كوردستان
ئێمه‌ وه‌كو په‌نابه‌رانی‌ كورد له‌ به‌ریتانیا ماوه‌یه‌كه‌ ده‌ست كراوه‌ به‌ گرتن و توندكردنمان له‌ به‌ندیخانه‌كانی‌ به‌ریتانیا به‌مه‌به‌ستی‌ گه‌ڕانه‌وه‌مان بۆ كوردستان به‌ زۆره‌ ملێ‌، جا داواكارین ئه‌مه‌ ره‌زامه‌ندی‌ حكومه‌تی‌ هه‌رێمه‌ یان تكایه‌ بۆمان رون بكه‌نه‌وه‌ ئه‌گه‌ر رێككه‌وتنی‌ حكومه‌تی‌ كوردستانه‌ یان حكومه‌تی‌ به‌غداد؟ ئه‌گه‌ر نا ئێمه‌ هیوادارین فڕۆكه‌خانه‌كانی‌ كوردستان نه‌خه‌نه‌ خزمه‌تی‌ ئه‌م پرۆسه‌ به‌دناوه‌، به‌بڕوای‌ ئێمه‌ ئه‌مه‌ ئه‌نفالكردنی‌ كورده‌ به‌شێوه‌یه‌كی‌ جیاوازتر.

هه‌روه‌ها ئێمه‌ ناڕه‌زایی‌ خۆمان ده‌رده‌بڕین به‌رامبه‌ر هه‌ڵوێستی‌ حیزبه‌كانی‌ كوردستان كه‌ به‌ڵێنی‌ راگرتنی‌ به‌زۆر ناردنه‌وه‌ی‌ ئێمه‌ پێش هه‌ڵبژاردن ئه‌ده‌ن و له‌ پاش هه‌ڵبژاردن دیسان ده‌ستكراوه‌ به‌ ناردنه‌وه‌مان و وه‌رگرتنه‌وه‌مان له‌لایه‌ن فڕۆكه‌خانه‌كانی‌ كوردستانه‌وه‌ به‌ زۆره‌ملێ‌.
جا هیوادارین حكومه‌تی‌ هه‌رێمی‌ كوردستان به‌ڕه‌سمی‌ جوابی‌ ئه‌م نامه‌یه‌ی‌ ئێمه‌ بداته‌وه‌.

ئه‌مه‌ ناوی‌ ئه‌و كه‌سانه‌ن كه‌له‌ كه‌مپینی‌ ئۆكسفۆردن

عه‌لی‌ ساڵح مه‌ولود
هیمداد عومه‌ر عه‌بدوڵا
ئه‌حمه‌د عارف
ئاری‌ جه‌لیل
دلۆڤان محه‌مه‌د
سه‌لام عه‌بدوڵا
دارا ئیسماعیل
نه‌به‌ز كه‌ریم
عیسا محه‌مه‌د ته‌ها
سه‌رهه‌نگ عومه‌ر
مسته‌فا محه‌مه‌د ساڵح
یونس عه‌لی‌ ئه‌حمه‌د
به‌ختیار مه‌حمود
دانا جه‌لال
عیزه‌ت ئیبراهیم
عه‌باس خدر
پیرۆت مه‌حمود
سۆران عه‌لی‌
ئومێد خالید

په‌یوه‌ندی کورد و ئه‌مه‌ریکا چیه‌ و چۆنه‌؟

چاودێرێك
هاوپه‌یمانێتی کورد و ئه‌مه‌ریکا
په‌یوه‌ندی کورد و ئه‌مه‌ریکا چیه‌ و چۆنه‌؟
هه‌مو جار که‌ باسی کورد و ئه‌مه‌ریکا ده‌کرێ هه‌ندێ له‌ سه‌رکرده‌کانی کورد باس له‌ هاوپه‌یمانێتی ستراتیجی ده‌که‌ن.به‌ بێ ئه‌وه‌ی بۆ یه‌کجار گوێمان له هیچ به‌رپرسێکی ئه‌مه‌ریکی بووبێت قسه‌یه‌کی له‌و بابه‌ته‌ی کردبێت.‌ لێره‌دا چه‌ند پرسیارێ دێنه‌ پێشه‌وه‌:
هاوپه‌یمانێتی ستراتیجی نێوان دو هێز: دو ده‌وڵه‌ت یا دو حیزب یا دو جوڵانه‌وه‌... چۆن پێناسه‌ ده‌کرێ؟
پێوه‌ندی کورد - ئه‌مریکا ده‌چێته‌ چ خانه‌یه‌که‌وه‌؟
پێوه‌ندی یا هاوپه‌یمانێتی کورد - ئه‌مه‌ریکا له‌ چ بوارێک دایه‌: سیاسیه‌؟ دیپلۆماسیه‌؟ جه‌نگیه‌؟ ئابوریه‌؟
ئه‌گه‌ر هه‌یه‌! نوسراوه‌ یا زاره‌کیه‌؟ ئاشکرایه‌ یا نهێنیه‌؟ دوقۆڵیه‌ یان چه‌ند قۆڵیه‌؟ له‌ بوارێکدایه‌ یان له‌ چه‌ند بوارێکدایه‌؟
ئیلتیزاماتی کورد به‌رامبه‌ر ئه‌مه‌ریکا و هی ئه‌مه‌ریکا به‌رامبه‌ر به‌ کورد چیه‌؟
ئایا ئه‌و جۆره‌ په‌یوه‌ندیه‌ی ئێستا له‌ نێوان سه‌رکردایه‌تی کورد و ئه‌مه‌ریکادا هه‌یه‌ به‌ هاوپه‌یمانێتی دائه‌نرێ، چ ستراتیجی بێ یان تاکتیکی؟
له‌ دۆخه‌ ئاڵۆزه‌کانی عیراقدا که‌ ئه‌مه‌ریکا تێکه‌ڵاو ده‌بێ سه‌رانی کورد ته‌نازول ده‌که‌ن و ئه‌ڵێن ئه‌مه‌ریکا گوشاری بۆ هێناوین. لێره‌دا دیسانه‌وه‌ چه‌ند پرسیارێ دێنه‌وه‌ پێشه‌وه‌:
مه‌به‌ست له‌ گوشار چیه‌؟
ئایا گوشاره‌که‌ سیاسیه‌ ... جه‌نگیه‌... ئابوریه‌... دیپلۆماسیه‌.. ته‌له‌فۆنیه‌....؟
له‌ کاتێکدا ئه‌مه‌ریکا گوشار بۆ سه‌ر سه‌رانی کورد ئه‌هێنێ ئایا له‌هه‌مان کاتدا گوشار بۆ سه‌ر سه‌رانی شیعه‌ و سه‌رانی سوننه‌ش دروست ئه‌کا؟
بۆچی هه‌مو جار گوشاری ئه‌مه‌ریکا بۆ سه‌ر کورد توندتره‌ له‌وانی تر؟
بۆچی هه‌مو جار کورد له‌ ژێر گوشاری ئه‌مه‌ریکادا ته‌نازول له‌ مافی خۆی ئه‌کا؟
ئه‌گه‌ر کوردیش پێداگری بکا له‌ سه‌ر خواسته‌کانی خۆی، وه‌کو سوننه‌ و شیعه‌ ئه‌یکه‌ن، کورد چی لێ ئه‌قه‌ومێ؟
ئه‌مانه‌ کۆمه‌ڵێ پرسیارن روبه‌روی سه‌رکردایه‌تی کورد ئه‌بنه‌وه‌ که‌ ئه‌بێ وه‌ڵامه‌کانی به‌ خه‌ڵکی کوردستان بده‌نه‌وه‌.
ده‌رباره‌ی راگه‌یاندنه‌که‌ی ئه‌مه‌ریکا

له‌ دوای په‌سه‌ند کردنی پرۆژه‌ یاسای هه‌موارکراوی هه‌ڵبژاردنی ئه‌نجومه‌نی نوێنه‌رانی عیراق کۆشکی سپی راگه‌یاندنێکی بۆ پیرۆزبایی له‌م یاسایه‌ ده‌رکردوه‌. سه‌رکردایه‌تی کورد ئه‌م راگه‌یاندنه‌ی به‌ سه‌رکه‌وتنێکی گه‌وره‌ بۆ خۆی دائه‌نێ، به‌ بیانوی ئه‌وه‌ی ئه‌مه‌ریکا له‌م راگه‌یاندنه‌دا پابه‌ندی خۆی به‌ ماده‌ی 140 ه‌وه‌ دوپات ئه‌کاته‌وه‌. به‌ڵام کاتێک ده‌قی راگه‌یاندنه‌که‌ ده‌خوێنینه‌وه‌ ئه‌بینین ئه‌م راگه‌یاندنه‌ هیچ نرخێکی قانونی نیه‌و له‌ په‌یوه‌ندیه‌کانی ناوده‌وڵه‌تاندا ناچێته‌ هیچ خانه‌یه‌کی جدیه‌وه‌. هیچ ئیلتیزامێکی دیاریکراو و دانپیانراوی به‌رامبه‌ر به‌ کورد تێدا نیه‌. چونکه‌ چۆن باسی ماده‌ی 140 ئه‌کا هه‌ر به‌وجۆره‌ باسی ماده‌ی 142 یش ده‌کا. باسی ماده‌ی 140 ئه‌کا بۆ موجامه‌له‌ی سه‌رانی کورد و یاریکردن به‌ عاتیفه‌ی هاووڵاتی کورد له‌هه‌مان کاتدا بۆ موجامه‌له‌ی سه‌رانی عه‌ره‌ب و یاریکردن به‌ عاتیفه‌ی هاووڵاتی عه‌ره‌ب باسی ماده‌ی 142 ده‌کا. به‌ڵام یه‌کێک له‌ داوا جدیه‌کانی داواکارانی جێبه‌جێکردنی ماده‌ی 142 هه‌ڵوه‌شاندنه‌وه‌و گۆڕینی ماده‌ی 140ه‌. هه‌روه‌ها که‌مکردنه‌وه‌ و له‌ قاڵبدانی ده‌سه‌ڵاته‌کانی هه‌رێمی فیدرالی کوردستانه‌ به‌ قازانجی حکومه‌تێکی ناوه‌ندی به‌ هێز. له‌به‌رئه‌وه‌ ئه‌م راگه‌یاندنه‌ ئه‌چێته‌ خانه‌ی موجامه‌له‌ی سیاسیه‌وه‌ نه‌ک ئیلتیزامی ناوده‌وڵه‌تی.

له‌به‌رده‌م راگه‌یاندنێکی‌ له‌م چه‌شنه‌دا كه‌ هیچ ‏به‌ڵێنێكی‌ كۆنكرێتی‌ بۆ كورد تیا نیه‌، كه‌چی‌ ‏سه‌ركرایه‌تی‌ كورد وه‌ك سه‌ركه‌وتنێك باسی‌ ده‌كات‌و ‏ئه‌یه‌وێت ته‌وزیفی‌ سیاسی بكات:‏
سه‌رانی‌ كورد به‌م ته‌نازوله‌ له‌ ژماره‌ی‌ كورسیه‌كانی‌ ‏كورد له‌ په‌رله‌مانی‌ عێراق‌و قه‌بوڵكردنی‌ زیادبونی‌ ‏نالۆژیكی‌ ژماره‌ی‌ كورسیه‌كانی‌ عه‌ره‌ب، ئه‌یانه‌وێت وا ‏له‌خه‌ڵكی‌ كوردستان بگه‌یه‌نن كه‌ جۆرێك به‌ڵێن‌و ‏به‌ڵێنكاری‌ له‌نێوان خۆیان و ئه‌مه‌ریكادا هه‌یه‌‌و ئه‌مه‌ریكا ‏پشتیوانی‌ سه‌رانی‌ كورد ده‌كات له‌ هه‌ڵبژاردن‌و داهاتوی‌ ‏عێراقدا.
به‌ڵام راستیه‌كه‌ی‌ ئه‌وه‌یه‌ ئه‌مه‌ریكا وه‌ك ده‌وڵه‌تێكی‌ ‏به‌هێز ‌و گه‌وره‌ی‌ دنیا، ئه‌جه‌ندای‌ سیاسی تایبه‌تی‌ خۆی ‏هه‌یه‌‌و هه‌موو هێز‌و تواناكانی‌ خۆشی‌ بۆ سه‌ركه‌وتنی‌ ‏ئه‌م ئه‌جه‌ندایه‌ ئه‌خاته‌ گه‌ڕ. یه‌كیك له‌سه‌ره‌كی ترین ئه‌و ‏شتانه‌ی‌ ئه‌مه‌ریكا ئه‌مڕ‌ۆ كاری‌ بۆ ئه‌كات جێبه‌جێكردنی‌ ‏ئه‌و به‌ڵێنانه‌یه‌ كه‌ سه‌رۆك ئۆباما له‌كاتی‌ هه‌ڵبژاردندا به‌ ‏ئه‌مه‌ریكیه‌كانی‌ دابوو كه‌ ئه‌ویش كیشانه‌وه‌ی‌ هێزه‌كانی‌ ‏ئه‌مه‌ریكایه‌ له‌عێراق. بۆ ئه‌مه‌ش پێویستی‌ به‌وه‌ هه‌یه‌ ‏هه‌رچۆنێك بووه‌ هه‌ڵبژاردنی‌ عێراق له‌ واده‌ی‌ خۆیدا ‏ئه‌نجامبدرێت. له‌م ئاراسته‌یشدا هیچ به‌لایه‌وه‌ گرنگ نیه‌ ‏پێكهاته‌ جیاوازه‌كانی‌ عێراق كامیان له‌ كامیان كورسی‌ ‏زیاتر یان كه‌متر دێنن. ئه‌وه‌ی‌ بۆ ئه‌مه‌ریكا گرنگه‌ ‏ئه‌نجامدانی‌ هه‌ڵبژاردنه‌ بۆئه‌وه‌ی‌ بتوانێت به‌پێی ئه‌و ‏جه‌دوه‌له‌ زه‌مه‌نیه‌ی‌ بۆ هێزه‌كانی‌ خۆی‌ دایناوه‌ له‌ عێراق ‏بكشێته‌وه‌.

 ‏به‌كورتی‌ ئه‌وه‌ی‌ رویدا ئه‌وه‌بوو ئه‌مه‌ریكا به‌پێی ‏به‌ڵێنه‌كانی‌ خۆی‌ كه‌ به‌ میله‌ته‌كه‌ی‌ خۆی‌ دابوی‌‌و ‏به‌قازانجی‌ ئه‌وان، به‌رگری‌ له‌ئه‌جه‌ندای‌ سیاسی خۆی‌ ‏كرد (كه‌ ئه‌مه‌ش مافی‌ خۆیه‌تی‌)‌و سه‌رانی كوردیش له‌م مه‌یدانه‌دا ‏ته‌نازولیان كرد‌و هه‌م رێگه‌یاندا رێژه‌ی‌ كورسیه‌كانی‌ ‏كه‌مبكرێته‌وه‌‌و هه‌م رێژه‌ی‌ كورسیه‌كانی‌ عه‌ره‌بیش ‏به‌شێوه‌یه‌كی‌ نالۆژیكی‌ زیادبكات (كه‌ئه‌مه‌ش مافی‌ ‏خۆی‌ نیه‌).‏

‏ له‌لایه‌كی‌ تره‌وه‌ ئه‌م ته‌نازوله‌ی‌ كورد به‌هۆی‌ گوشاری‌ ‏ئه‌مه‌ریكاوه‌ زیانێكی‌ گه‌وره‌ی‌ بۆ ناوبانگی‌ سیاسی خه‌ڵكی‌ ‏كوردستان‌و ته‌نانه‌ت هێزه‌ سیاسیه‌كان هه‌یه‌. به‌تایبه‌تی‌ ‏كاتێك نوێنه‌رانی‌ كورد بێ‌ هیچ بیركردنه‌وه‌‌و رامانێك ‏به‌ئاشكرا له‌ راگه‌یاندنه‌كانه‌وه‌ باسی‌ ئه‌كه‌ن. ‏درکاندنه‌کانی نوێنه‌رانی کورد له‌ به‌رده‌م ده‌زگاکانی راگه‌یاندن دا له‌ رۆژانی گفتوگۆکانی ناو پارله‌مان و له‌ کاتی قوبوڵکردنی دوا دابه‌شکردنی کورسیه‌کانی پارله‌مان دا، که‌ به‌ ئاشکرا ئه‌یان وت گوشاری ئه‌مه‌ریکایان له‌ سه‌ره‌ بۆ تێپه‌ڕاندنی قانونه‌که‌ و ئه‌وان قانونه‌که‌یان له‌ ژێر گوشاری ئه‌مه‌ریکا قوبوڵکردوه و پاش ئه‌وه‌ی به‌ڵێنی زه‌ماناتیان له‌ ئه‌مه‌ریکا وه‌رگرتوه‌ و کۆشکی سپی به‌یان ده‌رئه‌کا. به‌داخه‌وه‌ نوێنه‌رانی کورد له‌م لێدوانانه‌دا هیچ بایه‌خیان به‌وه‌نه‌دا که‌ ئه‌م جۆره‌ لێدوانانه‌ ناوبانگی کورد خراپ ئه‌کات و له‌به‌رچاوی رای گشتی ناوخۆ و ده‌ره‌کیدا کورد وا پیشان ئه‌دات که‌ سه‌ربه‌خۆیی له‌ بڕیاردانی سیاسیدا نیه‌. ئه‌م لێدوانانه‌ له‌ ناو رای گشتی عیراق و عه‌ره‌بدا به‌ خراپ ئه‌شکێته‌وه‌ و، کورد وه‌کو گوێڕایه‌ڵ و لای هه‌ندێکیان وه‌کو نۆکه‌ری ئه‌مه‌ریکا ئه‌خوێنرێته‌وه‌.

ئێمه‌ جه‌وله‌یه‌کی تری دانوستانی سیاسیمان دۆران. ئایا هاوپه‌یمانی ئه‌مه‌ریکا- کورد چۆن قه‌ره‌بوی ئه‌م دۆڕانه‌مان بۆ ئه‌کاته‌وه‌. ئه‌وه‌ پرسیارێکه‌ ده‌بێت سه‌رانی کورد وه‌ڵامی بده‌نه‌وه‌.

awena

 کۆمۆنێتی کورد - لێسته ر

Leicester Kurdish Community

Vulcan House

Vulcan Road

Leicester

LE5  3EF

Mob : 07548858865

Email : Leicester_kurdish_community@hotmail.com

 Web: www.LKC.kurdblogger.com